اولڈ سٹوزیز

2012-01-18T04:31:00.001-08:00

کنارے سے دھارے تک

2012-01-18T04:29:00.001-08:00

لِنڈا وارن اور نئی مسجد

2012-01-18T04:15:00.000-08:00

لِنڈا وارن اور نئی مسجد
سابق ڈائرکٹر سوشل سروسز ڈڈلی
﴿چند سال پہلیڈڈلی مسلم ایسوسی ایشن کی جانب سے ڈڈلی ڈائرکٹر سوشل سروسز لِنڈا وارن کے ساتھ ایک انٹرویو مکمل کیا گیا جِس کی تفصیلات دی مسلم اِن ڈڈلی کی اپریل کی اشاعت میں شامِل تھیں ۔ اِس اشاعت میں ادارہ نے اپنے قارئین کیلئے اُس انٹرویو کا اردو زبان میں حرف بہ حرف ترجمہ شامِل کیا ہے ۔ انٹر ویو یاسمین حبیب نے کیا تھا ﴾
ڈڈلی مسلم ایسوسی ایشن لِنڈا کی شکرگزار ہے کہ انہوں نے اِس ایسوسی ایشن کی جانب سے ڈڈلی میں دو زبانوں یعنی انگریزی اور اردو میں شائع ہونے والے سب سے پہلے اخبار کی سب سے پہلی اشاعت کو اپنے قیمتی وقت سے فیضیاب کیا اور مقامی کمیونٹی کی کاوشوں کو سراہا ۔
انٹرویو کا وقت صبح دس بجے ، مقام لِنڈا کا دفتر اور دِن جمعہ تھا ۔ اگلے روز ہفتہ یعنی چھٹی کا دِن تھا لہٰذا چھٹی کے روز کا انتظار اور دفتری کام کاج کے آخری دِن کیلئے کام اور آرام کے تصور میںمِلی جُلی کیفیت اُس روز کی بھرپور بارش کے باوجود دھُلی ہوئی کیفیت میں نہیں بدل سکی تھی ۔ ڈڈلی کے اقلیتی طبقات کیلئے ایک نئی صورت سے سہولت دستیاب کرنے کے جذبہ سے سرشار اِس نومولوداخبار کی لگن اور بھرپور جستجو کے ابھرتے ہوئے گرم جذبات کو بارش کا پانی کیا بھِگو کر سرد کرسکتا تھا ۔
لِنڈا وارن گذشتہ 27 برس سے سوشل سروسز کیلئے کام کر رہی ہیں ۔ اپلائیڈ سوشل سائِنس میں اپنی تعلیم مکمل کرنے کے بعد وہ مختلف عہدوں پر تعینات رہنے کے بعد عمر رسیدہ لوگوں کیلئے قائم ایک مرکز میں آفیسر انچارج کی حیثیت سے کام کرنے لگیں ۔ 1981 میں لِنڈانے وارک یونیورسٹی سے اپلائیڈ سوشل سٹڈیز میں ایم اے مکمل کیا اورسوشل ورک سرٹیفیکیٹ حاصل کیا ۔ اُس کے بعد لِنڈا سوشل سروسز کیلئے ایک اثاثہ کی حیثیت اختیار کرگئیں ۔ انہوں نے سینیئر سوشل ورکر کی حیثیت سے کام کیا ، ڈسٹرکٹ مینیجر رہیں ، ایریائ مینیجر کا عہدہ سنبھالا اور اسسٹنٹ ڈائرکٹر بھی بنیں ۔ لِنڈا نے ڈونکاسٹر میں گذشتہ11 برس سے سینیئر اسسٹنٹ ڈائرکٹر کی حیثیت سے خدمات انجام دینے کے بعد ڈڈلی کا رُخ کیا جہاں وہ ڈائرکٹر سوشل سروسز کی حیثیت سے 17 فروری 2003 میں آئیں ۔
ہم نے بے صبری کا مظاہرہ کرتے ہوئے اُن سے سولات کی ابتدائ یہ پوچھتے ہوئے کی کہ آخرڈڈلی میں ایسی کیا کشِش تھی ؟
لِنڈا نے اپنی چمکتی آنکھوں کے ساتھ مسکراتے ہوئے کہا کہ ڈڈلی کے پاس 2 سٹار ہیں اور سوشل سروسز اتھارٹی کی حیثیت سے اِس کی شہرت بہت اچھی ہے۔ اِس سوشل سروسز اتھارٹی کی آبادی کا سائِز بھی بہت اچھا ہے یہاں 300,000 لوگ آباد ہیں ۔ لہٰذا کہا جاسکتا ہے کہ یہاں اتنے زیادہ لوگ ہیں کہ تبدیلی پیدا کی جاسکے اور اتنے کم بھی کہ انکی دیکھ بھال کی جاسکے ۔ لوگوں کو بہتر انداز سے یا زیادہ جانا جا سکتا ہے ۔ اِس جواب کے ساتھ ان کا چہرہ ایک ہمدرد اور ذمہ دارانہ فطرت کی آنچ ، امید اور بھر پور مسرت سے روشن ہوگیا ۔
ہمارے ذہن میں دوسرا سوال یہ تھا کہ ڈڈلی کی کل کمیونٹی میں اور خاص طور پر اِس کمیونٹی کے مسلمان حصہ میں کیا غیر معمولی خصوصیت ہے ؟
لِنڈا نے جونہی اپنی بات کا آغاز کیا ہمیں احساس ہوا کہ باہر بارش تھم چکی تھی ، سورج نکل آیا تھا اور تمام ماحول تسلی بخش حد تک گرم ، آرام دہ اور روشن محسوس ہو رہا تھا ۔ لنڈا یوں مخاطب ہوئیں کہ میں نے تو مسلمان کمیونٹی کو ان کے تمام کلیدی رہنمائوں سمیت گرم جوش ، کھُلا اور دوست پایا ہے اور یہ ایک خاصی غیر معمولی بات ہے ۔
ہم نے پِھرسوال کیا کہ مختلف اِداروں اور خاص طور پر سوشل سروسز کے ساتھ تعاون اور اشتراکی عمل کے حوالہ سے آپ کے خیال میںڈڈلی کی مسلمان کمیونٹی کیسی ہے ؟
وہ کہنے لگیں کہ جہاں تک ایک ڈائرکٹر کی حیثیت سے میرا تعلق ہے میرا زیادہ تر رابطہ خورشید احمد اور ڈڈلی کمیونٹی پارٹنرشِپ کے ساتھ ہے ۔ میں پرائِڈ آف ڈڈلی پراجیکٹ میں ویژن 2020 میں شامِل ڈڈلی مسلم ایسوسی ایشن کے چیئر مین خورشید احمد کی دور بیں فراست سے بہت متائثر ہوں ۔ میں "9/11" کے سلسلہ میں ڈڈلی مسلم ایسوسی ایشن کی سالانہ تقریب میں بھی شریک تھی ۔ نہایت جذباتی تقریب تھی ۔اِس میں مسلمانوں کے مختلف رہنمائوں نے بھی شرکت کی تھی جِس سے یہ ظاہر ہوتا ہے کہ ڈڈلی کمیونٹی میں مسلمان بھی مدغم ہیں ۔ اِس تقریب میں قرآن میں سے بعض بہت مضبوط اور طاقتور حوالہ بھی دیئے گئے تھے ؛ بہت سے پیغامات سامنے آئے تھے جِن میں سے ایک "دہشت گردی اور تشّدد " کی مخالفت تھا ۔ اِس کے علاوہ ڈڈلی ماسک اور مسلم کمیونٹی کے ساتھ میرا رابطہ " حلال میل" پائلٹ متعارف کرنے کے سلسلہ میں بھی ہوا تھا ، کھانا بہت اچھا تھا ۔ " ریڈیو رمضان" نے میرا انٹرویو بھی کیا تھا ۔ مجھے تو مسلم کمیونٹی بہت پُر جوش یعنی خیر مقدم کرنے والی ،ڈڈلی کی زندگی کے ایک حصہ کے طور پر اور مستقبل میں ڈڈلی کی ترقی میں مدغم ہونے کے سلسلہ میں مستحکم دکھائی دیتی ہے ۔
ہماری کوشِش تھی کہ برو میں مسلم کمیونٹی پر اثر انداز ہونے والے تمام اقدامات کے متعلق معلومات حاصل کی جائیں لہٰذا ہم نے لِنڈا سے اسی سلسلہ میں ایک اور سوال دریافت کیا ۔ یہ بتائیے کہ عام طور پر خیال کیا جاتا ہے کہ مسلمان کمیونٹی سماجی طور پر علیحدگی یعنی تنہائی پسند ہے ، کیا ہم نے اِس سلسلہ میں کچھ کام کیا ہے ؟
اِس سوال کے جواب میں لِنڈا نے کہا کہ مجھے معلوم ہے کہ کمیونٹی کے کچھ مسلمان حصوںکے سوسائیٹی یا معاشرے کے کنارے پر رہنا ﴿حاشیہ تک محدود ہونا﴾ کمیونٹی لیڈرز کیلئے تشویش کا باعث ہے یہی وجہ ہے کہ لوگوں کو کنارے سے کھینچ کر مرکزی دھارے میں لے کر آنے کے مقصد سے ’’پرائیڈ آف ڈڈلی پراجیکٹ‘‘ بہت اہمیت کا حامِل ہے ۔ میرے خیال میں یہ سوشل سروسز کی ذمہ داری ہے کہ وہ غیر محفوظ اور آسانی کے ساتھ ہدف بن جانے والے لوگوں کو دستیاب ہونے والی سروسز سے آگاہ کرے ۔ ہماری جانب سے خاص طور پر ایسے لوگوں کیلئے سروسز دستیاب ہیں جو ہم سے مدد کی درخواست نہیں کرتے ۔ وہ لوگ جنہیں سروسز درکارہیں مگر وہ ہمارے پاس نہیں آتے ان کیلئے ہمارا ریس اِکوالیٹی اینڈ کمیونیکیشن سروسز یونٹ ، ڈیویلپمنٹ آفیسرز کمیونیکیشنز اور ڈیویلپمنٹ آفیسرز ایسے اہم وسائِل ہیں جِن کے ذریعے کمیونٹی کے لوگوں کو ، ایسے لوگوں کو جو آسانی سے ہدف بن جاتے ہیں ،نہ صرف معلومات دستیاب ہیں بلکہ سروسز بھی فراہم کی جاتی ہے ۔ سروسز میں ترجمہ و ترجمانی کی سہولت ، کمیونٹی کے مختلف مقامات میں مہیا ہونے والی ڈے سروسزشامِل ہیں جوتدارک یا بچائو ﴿پری وِنٹیٹِو﴾ سے متعلق سروسز ہونے کے اعتبار سے ایسے لوگوں کی مدد اور تعاون بہم پہنچانے کے حوالہ سے نہایت اہمیت کی حامِل سروسز ہیں جو آسانی کے ساتھ گزند کا نشانہ بن جاتے ہیں ، ہدف بنتے جارہے ہیں اور جِن کے گھریلو حالات مسائِل سے دوچار ہیں ۔ مسلم کمیونٹی کیلئے ایک خاص چیلنج دراصل ایسے لوگوں کیلئے سروسز دستیاب کرنا ہے جنہیں دماغی صحت کے سلسلہ میں مشکلات درپیش ہیں ۔ ہم ریس ریلیشن ایکٹ کے سیکشن.2(d) 5 کے تحت ایشیئن کمیونٹی کے ساتھ کام کرنے کیلئے ایک کارکن کا تقرر کر رہے ہیں ۔
لِنڈا کے اِس تفصیلی جواب کے ختم ہوتے ہی ہم نے مزید جاننے کے مقصد سے پوچھا کہ ڈڈلی کی کمیونٹی کے ایک حصہ کے طور پر مسلم کمیونٹی سب سے زیادہ پس ماندہ اور محروم ہے ۔ اِس مسئلہ کے حل کیلئے آپکے ادارے ڈائرکٹوریٹ آف سوشل سروسز کے حوالہ سے کیا کیا جارہاہے ؟
لِنڈا کہنے لگیں کہ ڈائرکٹوریٹ آف سوشل سروسز کی ذمہ داری مخصوص ہے اور یہ صرف خصوصی سروسز ہیں ہمہ گیر سروس نہیں ہے۔ اگرلوگ پس ماندہ یا محروم کمیونٹیز سے تعلق رکھیں تو اُن کیلئے آسانی کے ساتھ نشانہ یعنی ہدف بن جانے کا خدشہ بھی بڑھ جاتا ہے۔ لوگ جتنا زیادہ آسانی کے ساتھ ہدف بن سکتے ہیں ، جتنا زیرِ دبائو ہوتے ہیں ان کیلئے گھریلو پریشانیوں اور مسائِل کی وجہ سے مشکل پیدا ہوسکتی ہے ۔ ہم کہہ سکتے ہیں کہ جب لوگوں کو ان کی ہوم کیئر ضروریات کیلئے اسِس ﴿ضرورتوں کے تعین کے حوالہ سے تمام حالات کا جائزہ لینا﴾ کیا جاتا ہے تو ہم اِس حقیقت کا پورا یقین کرتے ہیں کہ درحقیقت اُن کے بینیفِٹس کو زیادہ سے زیادہ ﴿میکسی مائیزِنگ﴾ کرتے ہوئے لوگ جِن بینیفِٹس کے حصول کے حقدار ہیں انہیں وہ تمام بینیفِٹس حاصل ہوں ۔ جب فیملیز یعنی خاندان دبائو کے نیچے آجائیں تو پس ماندہ یا محروم کمیونیٹیز سے تعلق رکھنے والے لوگوں کو خاص طور پر فیملی سپورٹ ﴿کنبے یا خاندان کی معاونت مدد وغیرہ﴾ کی ضرورت ہو سکتی ہے ۔ اگر چہ انکی تعداد بہت کم ہے تاہم بلیک مائینوریٹیز ایتھنک اقلیتوں سے تعلق رکھنے والے بچوں کیلئے سوشل سروسز کی پوری کوشِش ہوتی ہے کہ انہیں دیکھ بھال کی سہولت مسلمان فوسٹر کیئررز ﴿عارضی طور پر دیکھ بھال کرنے والے﴾ اور اڈوپٹِو ﴿مستقل طور پر گود لینے والے﴾ والدین کے ذریعے دستیاب ہو۔ جسمانی طور پر معذور اور سیکھنے کے تعلق سے معذور لوگوں کو روزگار حاصل کرنے اور سپورٹڈ ہائوزِنگ کے ذریعہ انہیں خود مختار زندگی گزارنے کے قابِل بنانے میںبھی ہمارا کچھ کردار ضرور ہے لہٰذا ہماری جانب سے معذوری کے نتیجہ میں پیدا ہونے والی محرومی اور غربت کے سلسلہ میں بھی کچھ کیا جا رہا ہے ۔
اگرچہ ہمارے اگلے دو سوالوں کا جواب ہمیں براہِ راست یا بالواسطہ پہلے ہی مِل چکا تھا تاہم ہن نے لِنڈا کے سامنے اپنے دونوں سوال پھر رکھ دیئیاور دریافت کیا کہ کیا آپ ڈائرکٹوریٹ آف سوشل سروسز کو نصب العین میں کامیاب ہونے کے حوالہ سے کمیونٹی ، خاص طور پر مسلم کمیونٹی کو متعلقہ حصہ لینے کے حوالہ سے معاون اور موئثر پاتی ہیں ؟ کیا برو میں موجود مسلم کمیونٹی کے ساتھ رابطہ پیدا کرنا اور تعلق استوار رکھنا آسان ہے ؟ لِنڈا نے ہمارے لئے جتنا وقت رکھا ہوا تھا ہم دراصل اُس وقت سے موئثر طور پر مستفید ہونا چاہتے تھے ۔
لِنڈا کہنے لگیں کہ ڈڈلی کو بہتر بنانے کے سلسلہ میں کمیونٹی پلان کے اغراض و مقاصد کو پورا کرنے کے تعلق سے مسلم کمیونٹی کے نمائندے کونسل اور دوسرے اداروں کے ساتھ مِل کر کام کرتے ہیں ۔ عام طور سے سوشل سروسز میں ورک فورس سیاہ فام اور نسلی اقلیات سے تعلق رکھنے والی کمیونیٹیز کی آبادی کی عکاس ہے ۔ ورک فورس یا کارکنان کے بی ایم ای کی مختلف بناوٹ کے زیادہ بہتر عکاس ہونے کے تیقن کے سلسلہ میں ہمیں ابھی اور محنت کی ضرورت ہے ۔ سوشل سروسز کی جانب سے ذرائع معاش﴿کیریئر﴾ کے سلسلے میں ہر دو اعتبار سے یعنی براہِ راست کسی کی دیکھ بھال کرنے اور آسانی سے ہدف بن جانے والے لوگوں کی مدد اور معاونت کرنے اور اسی طرح ا آئی ٹی ، ایڈمنِسٹریٹِو سپورٹ ، ایچ آر ، انفرمیشن اور فائِننس جیسی اہم ترین مددگار ﴿سپورٹ﴾ سروسزمیں وسیع مواقع دستیاب ہیں ۔ ہمارے پاس 2200 سٹاف ممبر اور £70 ملین کا بجٹ ہے ﴿2004 میں £74ملین﴾ اور موئثر طور پرسروسز دستیاب کرنے اور ان کا انتظام کرنے کیلئے ہمیں بہت زیادہ مختلف ہنروں ، پیشہ ورانہ پسِ منظروں اور تجربہ کی ضرورت ہے ۔ میں یقینی طور پر ڈڈلی کے لوگوں کو ﴿ اِن میںنوجوان لوگ بھی شامِل ہیں﴾ اپنے کیریئر کے انتخاب کیلئے لوکل اتھارٹی اور خاص طور پر مثبت انتخاب کے حوالہ سے سوشل کیئر منتخب کرتے ہوئے دیکھنا چاہتی ہوں ۔
کیا آپ کے خیال میں ڈائرکٹوریٹ آف سوشل سروسز مسلم کمیونیٹیز کے ساتھ ترسیل و روابط میں کامیاب ہے ؟ ہم ابھی بہت کچہ پوچھنے کا ارادہ رکھتے تھے ۔ لِنڈا اب بھی ہماری کوشِش سراہتے ہوئے ہمارے سوالات کی جانب پوری طرح سے متوجہ تھیں ۔ انہوں نے مسکراتے ہوئے کہا کہ مختصر بات تو یہ ہے کہ اِس سلسلہ میں مختلف اقدامات کے ذریعہ بہت کوشِشیں کی گئی ہیں ۔ سروسز میں چودہ برس سے قائم ریس اِکوالیٹی اینڈ کمیونیکیشنز یونٹ اِس ضمن میں ہماری ذمہ داری کی مثال ہے ۔ تاہم ہمیشہ پہلے سے بہتر اور زیادہ بھی کیا جاسکتا ہے ۔ سروسز دستیاب کرنے والے کی حیثیت سے اور بحیثیت ایک آجر یعنی ہر دو اعتبار سے اپنی ذمہ داریاں زیادہ عملی طور پر نبھانے میں ہماری مدد کیلئے ہمارے پاس اِکوالیٹی اینڈ ڈائیورسِٹی ایکشن پلان (2004 - 2005) ہے ۔
آپ کے خیال میںبرو میں مسلم کمیونٹی کی محرومی اور پس ماندگی کی کی بنیادی وجہ کیا ہے ؟ ہم نے پوچھا ۔ وہ کہنے لگیں کہ میرے خیال میں ڈڈلی کی مسلم کمیونٹی ایسے علاقوں سے آئی تھی جہاں تعلیمی مواقع نہایت محدود تھے ۔ یوکے میں اعلیٰ معیار کی تعلیم فراہم کرنے اور ہر فرد کو اسکی مخفی صلاحیتوں کو بھرپور انداز میں بروئے کار لانے میں مدد کے مدِ نظر موجودہ اور مستقبل کی نسلوں کو زیادہ وسیع مواقعوںکے حصول کاتیقن ایک بہت بڑا چیلنج ہے ۔ سوشل سروسز کی ذمہ داری یہ ہے کہ خاص طور پر سوسائیٹی کے ایسے لوگوں کے ساتھ کام کیا جائے جو سب سے زیادہ اور آسانی کے ساتھ ہدف بن سکتے ہیں اور ان کی مدد کی جائے تاکہ وہ ہماری کمیونٹی میںایک قیمتی اور مکمل طور پر مدغم رکن بنیں۔
﴿بدلتا ہے رنگ آسماں کیسے کیسے﴾

[[دی مسلم ان ڈڈلی]]

HOME

اولڈ سٹوریز

اولڈ سٹوزیز

کنارے سے دھارے تک

لِنڈا وارن اور نئی مسجد